L4 | 必用 Skill 應用堂：搜→篩→改→教

📚 唔使自己寫晒：搜→篩→改→教

講（約 8 分）。全世界都喺寫 skill；你唔使由零發明。今日四步：搜（搵公開 SKILL.md）→篩（三條篩法）→改（抄步驟＋驗收位，改寫做 Spark 中文指令）→教（教一次，行一次，收真檔）。誠實講：Spark 冇「一鍵安裝 Agent Skills」掣。

1. 導師開 GitHub，搜「agent skill 教案」（示範一次）。問學員：第一頁邊幾個先似真 skill？
2. 三條篩法齊讀：① repo 入面有冇 SKILL.md（真 skill vs 普通 project）②SKILL.md 嘅 description 有冇你嘅場景（科目／年級／產出）③星數＋最近更新日期＋授權（Apache／MIT 先好抄）。
3. 反例：open-kimi-ppt-skill 曾經 1,603★——已因版權清空／archive。星多 ≠ 今日仲用得、亦 ≠ 啱中文科。
4. skillsmp.com 教育詞多噪音（星數往往係母 repo，唔係嗰門 skill）。篩完先抄。
5. 收一句：抄嘅係步驟同驗收位，改寫成 Spark 指令；唔係把人哋 repo 一鍵裝入 Spark。
6. ⚡ 快隊加碼：再開一次搜「agent skill rubric」或「agent skill worksheet」，用三條篩法講一項「過／唔過」。
7. 🐢 慢隊只需：三條篩法讀得出＋反例聽過就算。
8. ⚡ 翻車 plan B：GitHub 學校網禁咗 → 導師投影搜；學員用課後區十選表跟住做。

我而家喺教「搜→篩→改→教」。請用三條篩法評呢個公開 repo：【貼 GitHub 網址或名，例：flyboat403/k12-skills】。
只准根據公開說明回答，唔准裝作已經安裝。逐條答：
① 入面有冇 SKILL.md？（真 skill vs 普通 project）
② description 有冇講中學中文科／年級／產出（工作紙、評語、簡報）？
③ 星數、最近更新日期、授權（Apache／MIT 先好抄）？
最後一句：值唔值得抄佢嘅步驟同驗收位，改寫做 Spark 中文指令？唔好叫我一鍵安裝，唔好叫我跑任何 script。繁體中文。

📚 k12 分層 → 中文科分層工作紙 skill

場景：一班 30 人程度參差。實操①（約 20 分）。開 k12 分層 SKILL.md 睇佢三層（基礎／提升／挑戰）點定義＋驗收位→抄改做 Spark 指令（中文科／繁體／DSE 語境）→行《岳陽樓記》收三份 Docs→人手核梯度。唔叫 Spark 跑 k12 嘅 render script。

1. 導師投影 k12-lesson-differentiation/SKILL.md 三層名同驗收位（中國語境：基礎層／提高層／拓展層；學生頁用「基礎練習／提升練習／挑戰練習」，唔出現層級標籤）。
2. Drive 開（或叫 Spark 開）資料夾 「教材／分層」。
3. Copy「建立中文科分層工作紙 Skill」全文送出——抄 k12 嘅核心規則改寫（我哋抽咗最緊要嗰幾條，全套 8 條規則喺課後區）。
4. 抽問：「三層可唔可以畀基礎層讀較淺嘅文本？」——答唔可以（同一文本、唔同腳手架）＝過關。
5. Copy「行一次《岳陽樓記》」送出。開 Drive 確認三份 真 Docs。
6. 人手核（必做・課堂簡化版驗收 A–E）：A 三層同一篇《岳陽樓記》、同一核心問題？B 學生頁無「學困／差生／基礎層」標籤？C 每層都對準同一課標（包括困難部分）？D 腳手架未揭答案、拓展層有中層未做過嘅新思考？E 三份都係可印學生頁、入咗「教材／分層」？
7. ⚡ 快隊加碼：再跑《出師表》，證明 skill 重用。
8. 🐢 慢隊只需：三份 Docs 出到、人手核過梯度就算。
9. ⚡ 翻車 plan B：成條 skill 學唔識 → 用「斬件行」三句各出一份；Drive 寫唔入 → chat 出齊再人手另存 Docs，仍然算真檔。唔好叫 Spark bash scripts/render_all.sh。

請喺我 Google Drive 開資料夾「教材」，再喺入面開「分層」。開完俾我資料夾連結。唔好放任何檔入去。

學呢門「中文科分層工作紙」skill。呢段係由公開 k12-lesson-differentiation（Apache-2.0）嘅步驟同驗收位改寫，畀 Spark 用；唔好安裝、唔好跑任何 script、唔好提 JSON／渲染／docx 打包。

我畀你一篇範文同年級之後，你出三份學生工作紙 Docs（唔好把教師備註混入學生頁）：
1. 基礎練習（對應基礎層／學困）：同一年級水平文本，用分段閱讀、預教詞彙 3–5 個、註釋引導、句子支架。腳手架支持思考但唔准揭答案（支架寫「作者用______來表現______」，唔好填晒）。任務 1 最多 2 個嵌入腳手架、任務 2 最多 1 個、任務 3 起獨立。唔准改用較淺文本，唔准刪走困難嘅課標要素，唔准把論證降成摘要。
2. 提升練習（對應提高層／達標）：同一文本、同一核心任務，按設計完成，無額外揭答案提示。
3. 挑戰練習（對應拓展層／拔高）：同一文本，進入作者手法／評價／跨文本或創意產出。每條延伸必須答到：「中層學生未做過、需要咩新思考？」唔合格＝淨係多做幾題同類。

課堂簡化版驗收（A–E，每次交貨前你自己勾；全套 8 條規則喺課後區）：
A. 三層同一篇範文、同一核心問題（R3：同一文本，唔同腳手架）。
B. 學生頁只用「基礎練習／提升練習／挑戰練習」做任務名；唔准出現「基礎層、學困生、後進生、差生、分層」等標籤（R6）。
C. 每層都對準同一課標要求，包括困難部分（R2）。
D. 基礎層腳手架唔准揭答案；拓展層要有真正新思考（R4／R7）。
E. 三份都係可印學生頁；繁體中文；檔案入 Drive「教材／分層」，檔名『分層＿基礎／提升／挑戰＿［範文名］』。

確認你已記住，並列出：三層各一句定義＋上面課堂簡化版驗收 A–E 覆我。

用中文科分層工作紙 skill 處理《岳陽樓記》。對象：香港中三中文科、DSE 十二篇範文語境。出三份 Docs：基礎練習／提升練習／挑戰練習。跟你學過嘅三層定義同課堂簡化版驗收 A–E。所有檔放入「教材／分層」。繁體中文。做完俾三條 Docs 連結，並列出你點樣滿足課堂簡化版驗收 A–E。

我已打開三份真檔人手核過。【講明邊層、邊條：例：基礎練習任務 1 揭咗「先天下之憂而憂」主旨；挑戰練習淨係多 3 題選擇】。只改出問題嗰份 Docs，唔好另開新檔，唔好改另外兩層。改完再列 A–E。

唔好跑成條鏈。只為《岳陽樓記》出一份「基礎練習」Docs：同一原文、分段＋詞彙＋句子支架、唔揭答案、學生頁無層級標籤。存入「教材／分層」，檔名「分層＿基礎＿岳陽樓記」，俾連結。

📚 assessment-cycle → 改作文 rubric 校準

場景：改作文分數唔穩。實操②（約 15 分）。叫 Spark 出 3 篇高／中／低分合成作文（同一題目）→用 L3 改作文 skill 逐篇改→對照分數同預期→唔合就微調 rubric 字眼→再改一次。合成作文係校準工具，唔係真學生；唔准貼真學生作文入呢站。真正 assessment-cycle 要最少 4 篇合成作答（必有一篇擦邊分），堂上壓縮做 3 篇；rubric 改咗字眼之後理論上要重出合成作文再校，堂上重用同一三篇係慳時間。

1. 先確認 L3「改作文」skill 仲記得（四項各 25）。唔記得就用課後「重教改作文」句，唔好即場發明新準則。
2. Copy「出 3 篇合成作文」送出。收一份 Docs（三篇喺同一檔，標高／中／低預期）。
3. Copy「校準指令」送出：用改作文 skill 逐篇改，寫校準表（每篇：預期檔 vs 實際分、引用證據、邊條 descriptor 含糊）。
4. 對照：高分係咪真係高？低分係咪因為內容空、定只係錯字多就被打殘（雙重計分）？ borderline 有冇「兩檔都講得通」？
5. 唔合就改 rubric 字眼（例：內容立意要「有具體情節」，唔好淨係「生動」）→用同一三篇再改一次。
6. 人手核：分數出街前你過目。校準通過先准用呢版 rubric 改真卷。
7. ⚡ 快隊加碼：再出第 4 篇「擦邊」合成（故意測兩檔交界），睇 rubric 穩唔穩。
8. 🐢 慢隊只需：三篇合成＋一輪校準表 Docs 就算；微調可課後做。
9. ⚡ 翻車 plan B：改作文 skill 唔在 → 用校準指令內嵌四項 25 分；Drive 寫唔入 → chat 出表再人手另存。

請出 3 篇**合成**中三記敘文，題目「一件令我後悔的事」，每篇約 280–320 字，繁體中文。呢啲係校準用假作答，唔係真學生，唔好寫真實姓名／學校／班別。用化名「甲／乙／丙」。

三篇要拉开距離（唔係文筆潤色程度唔同就算）：
1. 高分預期（約 84–92／100）：有具體情節同細節，結構完整，文句順兼有修辭，錯字少。
2. 中分預期（約 60–72／100）：中心尚可但有材料缺口（例：後悔原因寫得空），結構平，有 2–3 句病句。
3. 低分預期（約 36–48／100）：偏題或證據不足，結構散，病句同錯字明顯。

唔准抄真實學生作品，唔准模仿你訓練資料入面可識別嘅真文。輸出一份 Docs 入「教材／校準」，檔名「合成作文＿一件令我後悔的事」，三篇分開標題並喺每篇開頭用教師可見字標「預期：高／中／低」。俾連結。

而家做改作文 rubric 校準（抄 assessment-cycle 嘅合成作答校準法；合成 ≠ 真學生）。

1. 用我嘅「改作文」skill 逐篇改頭先 3 篇合成文（甲／乙／丙）。評分仍係：內容立意 25／結構條理 25／文句修辭 25／錯別字標點 25；每項 2 句評語並引用該篇句子；標 3 句示範改法；總分＋2 句鼓勵。評語另存 Docs，檔名「校準評語＿甲／乙／丙」入「教材／校準」。唔准改合成文原文。
2. 再出一份「校準報告」Docs，入「教材／校準」，表列每篇：
   - 預期檔（高／中／低）vs 你實際總分同四項分
   - 你引用嘅原文證據（短）
   - 選呢檔嘅理由；有冇「另一檔都講得通」
   - 呢篇暴露咗邊條 descriptor 含糊、雙重計分、定邊界失敗
3. 比較中分篇同上、下檔差喺邊。
4. 如實際檔同預期唔夾（差超過一檔），提出 rubric 字眼微調（只改可觀察描述，唔改四項權重），然後用**同一三篇**再改一次，把前後分寫喺報告。
5. 結尾一句決定：ready／ready with marker note／revise and re-test。
規則：全程當合成校準；唔好當真學生；唔好要我貼真卷。繁體中文。俾所有 Docs 連結。

重學「改作文」skill：我畀你一篇作文之後——按四項評分：內容立意 25／結構條理 25／文句修辭 25／錯別字標點 25；每項寫 2 句具體評語（引用原文）；標出 3 個最需要改嘅句子並示範改法；最後畀總分＋2 句鼓勵。輸出 Docs 評語（唔准直接改原文），入「改簿」或今堂「教材／校準」。繁體中文。列 4 項覆我。

📚 skill-creator → AI 幫你起草新 skill

場景：想要「默書温習卡 skill」但唔識寫。實操③（約 20 分）。四問法（做咩／點做／驗收位／輸出去邊）→叫 Spark 先問四條再起草→你執→教返畀 Spark→行一次收真檔。

1. 黑板／口頭齊讀四問：①做咩 ②點做（步驟）③驗收位（點算合格）④輸出去邊（真檔名＋資料夾）。
2. Copy「起草默書温習卡 skill」送出——要佢先問四條，唔好即刻長文噴一個 skill。
3. 你答四問（可用下面「四問示範答」）。等佢起草。
4. 自己執：刪空話、加「每次我畀一課生字表先做」、加驗收（每字拼音／部首／兩詞／一句例；尾頁默書格；繁中）。
5. 把執定稿 Copy「教返畀 Spark」送出。抽問四問＋輸出規則。
6. Copy「行一次：本課生字表」送出。開 Drive 確認 温習卡真 Docs。
7. ⚡ 快隊加碼：用同一四問再起草「文言實詞閃卡」（課後用）。
8. 🐢 慢隊只需：起草＋執完＋教識＋一份温習卡真檔。
9. ⚡ 翻車 plan B：佢唔問四條就噴稿 → 叫停，用「請先只問四問」；稿太長 → 你人手刪到一屏；Drive 寫唔入 → chat 出卡再另存。

幫我起草一門 skill 指令：默書温習卡——每次我畀一課生字表，出一份温習卡 Docs：每字寫拼音、部首、兩個詞、一句例句；尾頁附默書格。你先問我上面四條問題（做咩／點做／驗收位／輸出去邊），等我答完然後起草，寫完等我改。唔好而家教 Spark，唔好跑 script，唔好裝任何 GitHub skill。繁體中文。

四問我答：
① 做咩：每次我貼一課中三生字／默書範圍，出一頁可印温習卡。
② 點做：每個字列出——字、漢語拼音、部首、兩個常用詞、一句課堂可用例句（唔好超綱、唔好簡體）；尾頁做默書格（只留空格同課次，唔印答案）。
③ 驗收位：字數同我提供嘅表一致；拼音／部首唔准估錯（唔肯定就標「待核」）；例句每句用到該字；學生頁唔印答案；繁體中文。
④ 輸出去邊：一份 Google Docs，檔名『默書温習卡＿［課次］』，入 Drive「教材／默書」。
而家按呢四答起草 skill 指令全文，等我改。只要一段可 copy 嘅指令，唔好加安裝步驟。

學呢門「默書温習卡」skill：每次我畀一課生字表，你出一份温習卡 Docs。每字寫：漢字、拼音、部首、兩個詞、一句例句。尾頁附默書格（空格、唔印答案）。規則：字數同我嘅表一致；拼音／部首唔肯定就寫「待核」唔准估；繁體中文；檔名『默書温習卡＿［課次］』入 Drive「教材／默書」。確認已記住，並列出四問（做咩／點做／驗收／去邊）覆我。

用默書温習卡 skill 出一份，課次「岳陽樓記生字」。生字表：憂、謫、屬、浩浩湯湯、淫、嗟、廟堂、微斯人。跟你學過嘅格式。檔放入「教材／默書」，俾 Docs 連結。出完等我人手核拼音同部首。

📚 docx 規格＋生產線

場景：成套教材排版要正規。實操④（約 15 分）。用官方 docx skill 嘅規格思維（唔係一鍵裝 docx、唔叫 Spark 跑人哋 script）：指定標題層級／頁碼／答案另頁。跟住一句收「範文教學包」成套（教案→分層工作紙→測驗）＋掛 Schedule「逢星期日晚 8 點處理下週範文」。

1. 講清：官方 docx skill 教 Agent 點樣出正規 Word。Spark 側我哋抄嘅係規格——標題層級、頁碼、答案另頁——寫入 Docs／之後另存 Word 都跟呢套。
2. Copy「教 docx 規格」送出。抽問：答案可唔可以同題目同一頁？——唔可以。
3. Copy「一句收成套：範文教學包」送出。第 2 步教案、第 4 步簡報如有，停低你批；今堂最低收貨＝教案＋分層工作紙＋測驗三份真檔入「教材／岳陽樓記」。
4. 打開真檔核：題頭有層級、有頁碼、答案另頁、分層三份仍在「教材／分層」或已複製入成套夾。
5. Copy「掛 Schedule：逢星期日晚 8 點」送出。側欄／設定確認 schedule 在（介面以現版為準）。
6. ⚡ 快隊加碼：成套加 6 頁 Slides；或即場改規則「第 2、4 步自動出齊，星期一朝早等我抽查」。
7. 🐢 慢隊只需：規格教識＋成套最少教案＋測驗真檔；Schedule 可課後掛。
8. ⚡ 翻車 plan B：成套鏈跑唔郁 → 斬件：先教案、再叫「用分層 skill 出三份」、再出測驗；Schedule 設唔到 → 人手每個星期日跑同一句。

學呢套「教材 docx 規格」（抄官方 docx skill 嘅規格思維，唔好安裝、唔好跑 script）：
1. 標題層級：文檔標題＝標題 1；大題＝標題 2；小題＝標題 3。唔好全部用粗體當標題。
2. 頁碼：頁尾置中，第 1 頁起編。
3. 答案另頁：測驗／工作紙嘅「答案」必須由新一頁開始，唔准同題目混喺第一頁。
4. 題頭中英對照（例：中三中文／S3 Chinese），每題註分數。
5. 繁體中文。
之後凡出教案以外嘅可印教材（工作紙、測驗、温習卡），都跟呢套。確認已記住，並列 5 條覆我。

用呢條「範文教學包」workflow 處理《岳陽樓記》：第 1 步寫教案入 Docs（20 分鐘可教、目標、先憂後樂、寫作手法、易錯位、收結）；第 2 步用中文科分層工作紙 skill 出基礎／提升／挑戰三份（可放「教材／分層」，並喺成套夾放連結清單）；第 3 步出 10 題測驗 Docs，跟教材 docx 規格（標題層級、頁碼、每題分數、答案另頁）。規則：第 1 步教案完成停低等我批准先繼續；所有檔放入「教材／岳陽樓記」；繁體中文。而家由第 1 步開始。

教案我已打開真檔人手批過，批准。請繼續第 2、3 步（分層工作紙＋測驗）。測驗必須答案另頁。完成俾所有連結。

請設一條 Spark Schedule：逢星期日晚 8 點，用範文教學包 workflow 自動處理下週範文（範文名我會預先放喺 Drive「教材／下週」一份 Docs；搵唔到就話搵唔到，唔准作）。第 1 步教案仍然停低，星期一朝早通知我去批。跟教材 docx 規格。所有檔放「教材／［範文名］」。繁體中文。

📚 教師 skill 庫＋誠實一頁＋拎走

收（約 12 分）。餘下 6 個 skill 一人一句＋「你點用」一句；跟住誠實一頁；最後打開 Drive 核拎走清單。

1. 六張卡輪讀（每人一句「係咩」＋一句「我點用」）。全部唔係 Spark 一鍵裝；用法則係抄步驟改寫。
2. 讀誠實一頁五條——尤其「Spark 唔係一鍵裝」同「合成作文 ≠ 真學生」。
3. 打開 Drive 核對今堂真檔（見拎走清單）。缺邊樣就課後補，唔好當 chat 大綱已交貨。
4. 預告 L5：分鏡 JSON→Google Flow 逐 scene render→Omni 情境片，出你第一條教學片

skill｜授權／備註｜你點用（一句）
pptx（anthropics/skills）｜官方｜要真 .pptx 教學簡報時，抄佢頁面結構規則；或者用 Spark Slides connection
odin-and-freja（WilliamBernholm）｜校本教材出題｜Odin：讀你自己課文出新題；Freja：蘇格拉底式逐題問
book-to-skill（Leutenegger，MIT）｜PDF→知識底｜校本範文筆記／教學大綱變成出題時嘅底，再改寫做 Spark 指令
lecture-to-notes（drpwchen）｜錄影→筆記｜公開課／教研會錄影變有時間戳筆記（L5 支線）
obsidian-anki-cards（ShanwaPine）｜中文閃卡｜文言實詞／範文金句變閃卡（連 7 歲女温習都用得）
典莊／題莊（weishao2，MIT）｜內地卷唔對 DSE｜只做「skill 接題庫」概念；香港冇等價開源，唔好當 DSE 真題庫

1. Spark 唔係一鍵安裝 Agent Skills。抄 SKILL.md 嘅步驟＋驗收位，改寫做一段中文指令，再教 Spark。
2. 有 script 嘅（k12 有 render script）只抄流程同模板文字，唔叫 Spark 行人哋 script。
3. 合成作文係校準工具，唔係真學生；呢站唔准貼真卷。
4. 外來 skill 成份睇過先用；星多 ≠ 啱你（open-kimi-ppt 1,603★ 已清空）。
5. 分層難度、拼音、分數、文史——全部人手核。問責永遠喺你。

□ 三份分層工作紙真檔（教材／分層）
□ 校準過嘅改作文 rubric＋校準報告（教材／校準）
□ 一門 AI 起草、你執過嘅新 skill（默書温習卡）＋一份真温習卡
□ 成套教材生產線（教材／岳陽樓記）＋（如做到）星期日晚 8 點 Schedule